شبكة زنادة نت

شبكة زنادة نت أخبار العالم من جميع المصادر www.zanadanet.com
 
الرئيسيةس .و .جبحـثالتسجيلدخول

>مشاركـة | 

 

 كل ماتريد معرفته عن البوجيهات او شمعات الاشتعال وكيف استبدال شمعات الاشعال المناسبة لسيارتك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مُساهمةموضوع: كل ماتريد معرفته عن البوجيهات او شمعات الاشتعال وكيف استبدال شمعات الاشعال المناسبة لسيارتك   الخميس 17 سبتمبر - 1:42

كل ماتريد معرفته عن البوجيهات او شمعات الاشتعال وكيف استبدال شمعات الاشعال المناسبة لسيارتك




صفحة كاتب الموضوع على الفيس Brazily Sohag

النهاردة هانتكلم باختصار شديد و تبسيط عن موضوع البوجيهات و ازاي نختار نوع البوجيهات المناسب لعربياتنا ( الرينو ) .. و حطوا خط تحت  رينو
مبدأيا البوجيهات او شمعات الاشتعال او spark plugs وظيفتها استقبال الشحنة الكهربية من الموبينة و تحويلها لشرارة تولع في خليط البنزين و الهوا اللي جوة السلندر و من هنا لازم تدرك ان البوجيهات مكونات في غاية الاهمية في الموتور .. و بيتوقف عليها احتراق البنزين و بالتالي سحب العربية
طيب ازاي البوجيه بيحول الكهربا اللي جاية من الموبينة لشرارة ؟ .. لو بصيتوا حضراتكم للصورة هاتلاقوا البوجيه بيتكون من قطب موجب اللي هوة العمود النحاس اللي في النص جوة العازل الابيض .. و القطب السالب اللي هوة الشمعة المنحنية دي .. الاشارة الكهربية بتنط من القطب الموجب للسالب تعمل شرارة اللي بتولع في البنزين ..
طيب يعني ايه بوجيه شمعة او ٢ شمعة او ٣ او ٤ شمعة ؟ .. يعني زي ماحضراتكم شايفين ان القطب السالب ( الجزء المنحني دة ) شمعة واحدة او شمعتين و فيه منه ٣ و ٤ .. ممكن يكون كل شمعة لوحدها زي ف الصورة .. و ممكن يكونوا كلهم مجتمعين في شمعة واحدة عريضة متقسمة من جوة ٣ او ٤ حارات



طيب ايه الهدف من كون البوجيه شمعتين او ٣ ؟ .. دة حضراتكم عشان الشحنة اللي طالعة من القطب الموجب ( العمود النحاس اللي جوة العازل الابيض ) تلاقي اكتر من قطب سالب تمشي فيه .. فلو فيه قطب ملوث بالكاربون باقي الاقطاب تؤدي الغرض .. لكن في النهاية هي شرارة واحدة بس اللي هاتطلع
طيب هل معني كدة ان البوجيه كل مازادت شمعاته يكون افضل ؟ .. الاجابة هي لأ .. لأن اختيار البوجيه بيتوقف علي عوامل كتيرة اهم من عدد الشمعات
اولا .. الكود المكتوب علي البوجيهات .. دة كود بيتكون من حروف و ارقام .. بتعبر عن :
الشركة المنتجة للبوجيهات
قطر القلاووظ بتاع البوجيه
طول القلاووظ
عدد الشمعات
نوع المادة بتاعت الشمعة ان كانت نحاس او تيتانيوم او ايريديوم
و هانتكلم بعدين بتوسع عن كيفية قراءة الاكواد دي .. لكن حاليا هانتكلم عن اهم حاجة في الموضوع و هي المدي الحراري للبوجيه
.. لو حضراتكم دققتوا في الصورة هاتلاقوا الجزء العازل ( الجزء الابيض في النص اللي مغطي القطب الموجب ) في البوجيه ال ٢ شمعة طويل .. بينما في البوجيه ال ١ شمعة قصير .. و دة معناه ان الشمعة الطويلة بتكون اقرب لنقطة الاحتراق و عشان كدة سن البوجيه بيفضل محتفظ بالحرارة لوقت اطول فبنسميها شمعة ساخنة .. بينما في البوجيه ال ١ شمعة .. الانف العازل اقصر و بالتالي بيتخلص من الحرارة بسرعة فبنسميها شمعة باردة
يعني باختصار كل مازاد طول و حجم العازل اصبحت شمعة طويلة = شمعة ساخنة
كل ما الجزء العازل اصبح اقصر يعني الشمعة قصيرة = شمعة باردة
يعني البوجيه ال ٢ شمعة .. شمعة طويلة = ساخنة
و طبعا البوجيه ١ شمعة .. شمعة قصيرة = باردة



طيب ايه هو المدي الحراري للبوجيه و ايه اهميته ؟ .. المدي الحراري للبوجيه هو درجة الحرارة المثلي لشمعة البوجيه اللي عندها البوجيه بيدي افضل اشعال .. المدي الحراري دة عبارة عن تدريج ارقام من ٢ - ١١ بيعبر عن قدرة سن البوجيه علي فقد الحرارة .. يعني باختصار بيعرفنا الشمعة الباردة من السخنة .. فيه شركات عاملة التدريج ٢ شمعة سخنة - ١١ شمعة باردة .. ٦ شمعة معتدلة بس اميل للباردة
.. و فيه شركات عاملة العكس .. ٢ شمعة باردة و ١١ ساخنة .. عشان كدة هاننفض للمدي الحراري بالارقام و نتعامل بطول الشمعة
نيجي للجزء المهم و هو ازاي اختار البوجيه المناسب لعربيتي ( الرينو ) ؟
البوجيه الشمعة الطويلة الساخنة يفضل استخدامه في المواتير اللي لها هورس باور قليل لأن كدة بيكون في حمل كبير علي الموتور او المواتير اللي بتمشي علي سرعات عالية طول الوقت
البوجيه الشمعة القصيرة الباردة يفضل استخدامه في المواتير اللي لها هورس باور عالي و الموتور واخد راحته
يعني هورس باور اكبر = شمعة باردة
هورس باور قليل = شمعة ساخنة
و بتطبيق الموضوع علي عربياتنا هاتلاقي اننا بنستخدم البوجيه شمعة طويلة ساخنة للوجان المانيوال ٩٠ حصان
و البوجيه شمعة قصيرة باردة للوجان الاوتوماتيك ١١٠ حصان
طيب ايه اللي هايحصل لو حطينا بوجيه مش مناسب للعربية ؟
العربية مثلا استخدمنا بوجيه شمعة ساخنة و هي اصلا محتاجة شمعة باردة .. دة هيؤدي لتآكل شمعة البوجيه بسرعة لإرتفاع درجة الحرارة عليها بشدة .. دة غير انها هاتفضل سخنة و تدي اشعال قبل توقيتها pre-ignition و دة يلخبط توقيت الانفجار جوة السلندرات و يقلل السحب
اما لو استخدمنا شمعة باردة في عربية عايزة شمعة ساخنة فمش هايحصل احتراق كامل للبنزين و هاتلاقي الشمعة اتلوثت بالكاربون و برضه السحب هايضعف خالص و صوت الموتور هايعلي
البوجيهات الاصلية متوفرة بفروع برازيلي سنتر .. ال ١ شمعة و ال ٢ شمعة .. ولازم علبة البوجيهات يكون عليها العلامة المدهبة و البارت نامبر .. و يكون البارت نامبر مطبوع علي كل بوجيه و محفور عليه made in France
‫#‏من_حقك_تفهم‬
برازيلي سنتر الاسكندرية و القاهرة ٠١٢٨٩٩٨٣٥٢٢ - ٠١٠٠١١٦٤٨٨٠
الصعيد ٠١٢٧٠٢٠٣٨٥٠ - ٠١٠١٥٤١٥٤٣١

كاتب الموضوع




شبكة زنادة نت شبكة مصرية فلسطينية
.






الرجوع الى أعلى الصفحة اذهب الى الأسفل
 
كل ماتريد معرفته عن البوجيهات او شمعات الاشتعال وكيف استبدال شمعات الاشعال المناسبة لسيارتك
استعرض الموضوع السابق استعرض الموضوع التالي الرجوع الى أعلى الصفحة 

شبكة زنادة نت  :: السيارات :: ميكانيكا السيارات-



Flag Counter
أنضم لمعجبينا في الفيس بوك ... شبكة زنادة نت

شبكة زنادة نت

check my pagerank


شبكة زنادة نت شبكة مصرية فلسطينية
.
service@
zanadanet.com